Çend Qiseyên Bi Ouzê* Re / Nûroj Mûnzûr
rojbaş Vîrjînia
rojbaş heyat!
silavek li odeya min jî
çar dîwar
û
deriyek
Vîrjînîa
nebêje kesî ku ew leylaneke!
çavên xwe miz bide, mîç bike
û
cardin cardin min bixapîne
jixwe min ne divê derva têxim bîra xwe
xwe li kîjan Quzîyê aş bikim?
dê kengî berceste bibim tê de Vîrjînîa?
çar dîwar
û
derîyek
derew e
derew im
derew î
ez ê di guhê te bibêjim;
jimêj de ye
di gîrdaba welatek bêode
û odeyek bêwelat de sergêj im
Vîrjînîa
di Ousê de odeyek heye?
bira çem bêwelat bûn newsa?
Vîrjînîa
min odeyek divê
belkî di avekê ji xwe bawer de
an jî
di valahîyekê de
bilindtirîn ji mala Hîlda** yê jî
bila pehnîya xwe bi tu axan neêşe
û
pala xwe ne li tu parzemînê be
na, ne li arafê jî
da ku tu kes curetê neke navekê lê bike!
ez ê li şaneşîna wê gotarên rizgarîyê bigerînim
û
ez ê ji çûkan re pesnê azadîyê bidim
da ku em bi hev re frînê bimeyînin
di paceya wê de porê xwe berdim bextê bayê
libaaa, libaa
ta ku heyfa hemû keziyan hilînim
*çemê ku vîrjînîa xwe avêtîyê
**hîlda domînî
hamburg/ gustav adolf strasse
*Ev kategoriya VEVEYA yê da metnên edebî yên wek helbest, çîrok û gotar bên weşandin berpirsyare wî Çayan Okuducî ye.
